سکم میں ہندوستان اور چین کے درمیان کوئی جھڑپ نہیں ہوئی/ پاکستانی میڈیا کی مذمت

مہر خبررساں ایجنسی نے ڈیلی پاکستان کے حوالے سے نقل کیا ہے کہ چین کے ذرائع ابلاغ نے بے بنیاد خبر نشر کرنے پر پاکستانی ذرائع ابلاغ کی مذمت کرتے ہوئے کہا ہے کہ سکم میں ہندوستان اور چین کے درمیان کوئی جھڑپ نہیں ہوئی اور نہ ہی چینی راکٹوں کے حملے میں 158 ہندوستانی فوجی ہلاک ہوئے۔ پاکستانی ذرائع ابلاغ کی یہ خبر بے بنیاد ہے کہ سکم سیکٹر میں چینی راکٹ فائر سے 158 بھارتی فوجی ہلاک اور چین اور بھارت مابین جنگ چھڑ گئی ہے،ادھر بھارتی وزارت خارجہ کے ترجمان گوپال بیگلے نے بھی ایسی خبروں  کو بے بنیاد اور من گھڑت قرار دیا ہے،چینی میڈیا ذرائع نے تحقیقات کے بعد کہا ہے جعلی خبروں کو سنجیدگی سے نہیں لیا جانا چاہئےجبکہ چینی ذرائع ابلاغ نے پاکستانی نجی ٹی وی چینل ’’دنیا نیوز‘‘ کی  اس خبر کو سراسر جھوٹ کا پلندہ قرار دیا ہے۔